Luxembourg City

Kinepolis Kirchberg

Ciné Utopia

Generalversammlung:

Méi Zuschauer 2024 wéi 2023

Den Beetebuerger Ciné-Club LeParis huet säi Bilan fir 2024 op der regulärer Generalversammlung presentéiert. Wärend 2023 5391 Zuschauer gezielt goufen, waren et 2024 der 5936. Et goufen awer och 41 Virstellungen méi wéi 2023. Ze bemierken ass, datt ouni den Support vun der Beetebuerger Gemeng d’Kinosliewen net méiglech wär. Esou sinn dann och 47 Virstellungen an Kollaboratioun mat den eenzelnen Servicer vun der Gemeng organiséiert ginn, wéi den Service de l’égalité des chances, den Service écologique, den Service littéraire oder den Open-Air-Kino, wou 1010 Leit an 7 Virstellungen passéiert sinn. Am erfollegräichsten sinn allerdéngs d’Virstellungen fir d’Schoulen: 14 Virstellungen mat 962 Entréeën. Dat mécht, datt bal 65% vun den Entréeën an Zesummenaarbecht mat der Gemeng gemaach goufen. Op der Generalversammlung huet d’Schäffen Josée Lorsché ënnerstrach, wéi wichteg de Kino fir Beetebuerg a fir d’Gemeng ass.

Eng grouss Investitioun war d’Uschafung vun enger neier Leinwand, enger neier Toun-Anlag an der Laser-Projektioun. Een Deel vun den Käschten wäert awer iwwer Subsiden finanzéiert ginn.

De bescht besichte Film war DESPICABLE ME 4 wärend dem Open-Air mat 250 Zuschauer – de Film ass och am Kino gelaf an huet do nach 186 Leit ugezunn. Op Plaz 2 ass de Film NIKO LA PETITE RENNE, MISSION PERE NOEL. Et goufen awer och Virstellungen mat NULL Zuschauer.

De Comité vum Ciné-Club setzt sech wéi follgend zesummen:

Jean-Jacques Zeimes, President; Ralph Biver, Vizepresident; Joel Suhren, Sekretär; Tom Michels, Tresorier, an de Memberen Jean-Paul Müller, Romain Reinard, Yannick Boever, Aaron Lanners, Olivier Rodesch, Oliver Stanislowski, Christine Fixmer an Julian Rousset. Als Net-Comité-Memberen stinn och nach den Paul Weins an den Vincent Evers zur Säit.